Ата-аналарға арналған психологиялық тренинг: "Мен және менің балам"

Мақсаты: ата-аналарды балалармен тиімді қарым-қатынас жасау тәсілдеріне үйрету, ата-ана мен бала арасындағы қарым-қатынасты үйлестіру.

Міндеті: - Білім беру үдерісіндегі ата-аналардың өзара әрекеттесу формаларын оңтайландыру. - Ата-аналардың балаларды психологиялық қолдау дағдыларын қалыптастыру. - Мектеп жасына дейінгі балаларды тәрбиелеу мәселелерінде ата-аналардың құзыреттілігін арттыру.

Ата-аналар мен балалар арасындағы тиімді қарым-қатынас құпиялары талқыланды. Тренигнгтің негізгі мазмұнына көшпес бұрын есте сақтау керек үш маңызды жайт:

Біріншіден, мінсіз ата-ана деген ұғым жоқ. Ата-аналар құдай емес, өздерінің әлсіз жақтары, көңіл-күйлері, қызығушылықтары бар тірі адамдар. Екіншіден, бізбен қандай көрнекті психолог және педагог жұмыс істесе де, біз әрекет ете бастағанда, теорияны тәжірибеде қолданғанда ғана оң өзгерістер болады. Үшіншіден, біздің іс-әрекетіміздің осылай аталуы кездейсоқ емес, өйткені шығармашылық көзқарас пен сезім болмаса, балалармен қарым-қатынас тиімді болмайды.